Բնապահպանության և ընդերքի տեսչական մարմնի աշխատակիցների իրականացրած վերահսկողական միջոցառումների ընթացքում ս.թ. նոյեմբերի 25-ից 29-ն ընկած ժամանակահատվածում ՀՀ մարզերում հայտնաբերվել են տարաբնույթ խախտումներ ու խնդիրներ:

Բացահայտված դեպքերը հիմնականում վերաբերել են համայնքների տարբեր հատվածներում ՝

• ավտոմեքենաների ջարդոնների ու թափքերի
• ճամփեզրերին կենցաղային թափոնների ու շինարարական աղբի
• հողի, ավազի թմբերի, քարակույտերի կուտակումներին։

Խախտումները վերացնելու նպատակով՝ բոլոր դեպքերով գրավոր և բանավոր հաղորդումներ են ուղարկվել տեղական ինքնակառավարման մարմինների ղեկավարներին։

ԲԸՏՄ-ի և ՏԻՄ-երի ամենօրյա սերտ համագործակցությունը միտված է համայնքներում առկա խնդիրների հնարավորինս արագ և արդյունավետ լուծմանն ու մաքուր, անվտանգ միջավայրի պահպանմանը։